DAD-Kutxabankek Enpresen Lasterketako Finantza eta Aseguruen sektoreko gizonezkoen kategorian titulua eskuratu du
ATLETISMOADAD-Kutxabankek Enpresen Lasterketako Finantza eta Aseguruen sektoreko gizonezkoen kategorian titulua eskuratu du
Donostia, 2026ko maiatzaren 17a.– DAD-Kutxabankek Donostian ospatutako Enpresen Lasterketaren XVII. edizioan parte hartu du, erakunde eta enpresa-talde ugari bildu dituen ekitaldi sendotuan.
Erakundea sei talderekin ordezkatuta egon da, guztira 24 lagunek osatutakoak: bi gizonezkoen talde, emakumezkoen talde bat eta hiru talde misto. Izen-emate prozesuan gorabehera puntualak izan arren, behar bezala konpondu dira, aurreikusitako talde guztiek parte hartu ahal izateko.
Aurtengo edizioak antolakuntza-berrikuntza garrantzitsuak ekarri ditu, besteak beste, taldeen kopurua 1.125era mugatzea eta irteerak denboren arabera antolatutako kutxetan egitea, parte-hartzaileen segurtasuna eta esperientzia hobetzeko helburuz. Halaber, sari-kategoriak zabaldu dira, enpresa-jardueraren sektoreen araberako sailkapenak barne hartuta.
Testuinguru honetan, DAD-Kutxabankek emaitza nabarmena lortu du Finantza eta Aseguruen sektorean gizonezkoen kategorian txapeldun izendatuta. Javier Guzman, Unai Mujika, Iban Maiza eta Mikel Aizpurua osatutako taldeak lehen postua eskuratu du, taldearen konpromisoa, ahalegina eta kohesioa agerian utziz.
Emaitza hau lehiaketan elkarteak duen ibilbide historiko sendoaren barruan kokatzen da; izan ere, DAD-Kutxabank emakumezkoen taldea palmaresaren erreferente nagusietako bat bihurtu da. Nabarmendu behar dira 2024, 2012, 2011 eta 2010ean lortutako lehen postuak, baita 2023, 2022, 2017 eta 2015eko podiumak ere. Halaber, lehen edizioetatik bertatik erakundeak maila handia erakutsi zuen, 2010ean talde mistoak hirugarren postua lortuta, denboran zehar mantendutako ibilbide sendoa eta egonkorra erakutsiz.
Bereziki azpimarratzekoa da 2012an emakumezkoen kategorian lortutako triplete historikoa, probaren historian mugarri aparta baita, izan ere, beste inolako elkarte/empresek ez du halako lorpenik errepikatzea lortu, eta horrek indartu egiten du bere izaera berezia lasterketaren palmaresaren barruan.
Jardunaldia giro bikainan eta eguraldi onarekin garatu zen, parte-hartzearen arrakastari lagunduz.
“Ekimen mota hauek elkarte gisa sustatzen ditugun balioak islatzen dituzte: ahalegina, lankidetza eta konpromisoa. Emaitza hau harrotasun iturri da DAD Kutxabankentzat eta parte hartu duten pertsona guztien talde-izpirituaren aitortza da”, adierazi dute antolatzaileek.
DAD-Kutxabankek zoriondu egiten ditu parte-hartzaile guztiak eta kirola, talde-lana eta erakundearen barruko kohesioa sustatzen dituzten ekimenen aldeko apustua berresten du. Era berean, elkarteak talde guztiak animatzen ditu parte hartzen eta lanean jarraitzera, 2012an lortutako triplete historikoa bezalako lorpenak berriz eskuratzeko helburuarekin, elkartearen bereizgarri den lehiakortasun eta talde-espirituari eutsiz.
